Віцеблянін купіў кватэру і выявіў сюрпрыз у каморы

• 13.02.2026, 23:02

Удалося пазбегнуць «крыміналкі».

У Віцебску мужчына купіў кватэру і выявіў у каморы ружжо. Высветлілася, што гэта канструкцыя, сабраная з розных частак, паведаміў Дзяржаўны камітэт судовых экспертыз.

Жыхар Віцебска купіў кватэру і выявіў у каморы ружжо, пасля чаго паведаміў у міліцыю. Была прызначаная экспертыза.

Высветлілася, што знойдзена гладкаствольнае паляўнічае ружжо 16-га калібру мадэлі ІЖ-К. Прычым сабрана яно з заводскіх дэталяў ад некалькіх экзэмпляраў аднатыпнай зброі. Ружжо знаходзіцца ў працоўным стане і прыдатнае для стральбы.

Эксперты нагадалі, што пры добраахвотнай здачы агнястрэльнай зброі і боепрыпасаў законам прадугледжана вызваленне ад крымінальнай і адміністрацыйнай адказнасці.