МЗС Украіны заявіў аб гатоўнасці ЗША ратыфікаваць гарантыі бяспекі

• 14.02.2026, 4:18

Праект двухбаковых гарантый практычна гатовы.

Украіна атрымала інфармацыю ад ЗША пра гатоўнасць Кангрэса ратыфікаваць гарантыі бяспекі, паведамляецца ў тэлеграм-канале ўкраінскага МЗС са спасылкай на кіраўніка знешнепалітычнага ведамства краіны Андрэя Сібігу.

Паводле слоў Сібігі, гаворка ідзе менавіта пра «юрыдычна абавязальныя гарантыі, а не запэўніванні». У МЗС адзначылі, што праект двухбаковых гарантый практычна гатовы.

«Ключавы элемент архітэктуры бяспекі — ваенная прысутнасць з амерыканскім бэкстопам. Без ролі ЗША эфектыўная сістэма бяспекі ў Еўропе немагчымая», — сказаў Сібіга.