Трамп збіраецца з візітам у Венесуэлу

• 14.02.2026, 6:47

Вырашаецца пытанне з датай паездкі.

Прэзідэнт ЗША Дональд Трамп заявіў, што збіраецца наведаць Венесуэлу. Пра гэта палітык паведаміў журналістам 13 лютага, відэазапіс апублікаваны ў акаўнце X Белага дома.

«Я збіраюся наведаць Венесуэлу», — заявіў Трамп.

Ён дадаў, што пакуль вырашаецца пытанне з датай паездкі.

Трамп распавёў, што ў ЗША «вельмі добрыя адносіны» з часовым прэзідэнтам Венесуэлы Дэлсі Радрыгес.

«Мы вельмі цесна ўзаемадзейнічаем», — падкрэсліў ён.

Па словах Трампа, буйныя нафтавыя кампаніі ЗША пачынаюць сваю працу ў Венесуэле.

«Яны будуць здабываць нафту і прадаваць яе за вялікія грошы, а Венесуэла атрымае значную частку гэтых грошай», — адзначыў амерыканскі прэзідэнт.