«Можа спыніць вайну ва Украіне адным званком»

• 14.02.2026, 8:59

Пасол ЗША пры НАТА распавёў пра важны аспект расійскай агрэсіі.

Пасол ЗША пры НАТА Мэцью Уітакер заявіў, што Кітай аказвае вырашальную падтрымку расійскай агрэсіі ва Украіне. Ён лічыць, што Пекін здолеў бы пакласці канец вайне адным тэлефонным званком у Маскву.

Пра гэта паведамляе Bloomberg.

«Кітай здолеў бы патэлефанаваць Уладзіміру Пуціну і пакласці канец гэтай вайне ўжо заўтра, а таксама спыніць продаж яму тэхналогій двайнога прызначэння», — сказаў Уітакер падчас панэльнай дыскусіі на Мюнхенскай канферэнцыі па бяспецы.

Ён дадаў, што Пекін здолеў бы спыніць закупку расійскай нафты і газу, падкрэсліўшы, што гэтая вайна «поўнасцю падтрымліваецца Кітаем».