У Лагойскім раёне апракінуўся аўтобус з дзесяткамі пасажыраў

• 14.02.2026, 18:00

Двое ў бальніцы.

Аўтобус DAF з 47 пасажырамі апракінуўся ўдзень 14 лютага ў Лагойскім раёне (Мінская вобласць), паведамляе прэс-служба Міністэрства ўнутраных спраў.

Па папярэдняй інфармацыі, 45-гадовы кіроўца «на закругленні дарогі ўправа» не справіўся з кіраваннем і «з'ехаў у левы па кірунку руху кювет, дзе транспартны сродак апракінуўся».

«Дзве жанчыны 55 і 66 гадоў дастаўленыя ў бальніцу для агляду», — гаворыцца ў паведамленні.