Бразілец прынёс Паўднёвай Амерыцы першае ў гісторыі золата зімовых Алімпійскіх гульняў

• 14.02.2026, 19:03

Сенсацыя ад Лукаса Піньейру Бротэна.

Гарналыжнік зборнай Бразіліі Лукас Піньейру Бротэн заваяваў золата зімовых Алімпійскіх гульняў 2026 года ў Мілане і Кортіне-д’Ампецца.

25-гадовы спартсмен паказаў час 2.25,00 хвіліны і стаў пераможцам у гігантскім слаломе — адной з самых тэхнічна складаных і дынамічных дысцыплін на крутых схілах.

Другое і трэцяе месцы занялі швейцарцы Марко Одерматт (+0,58) і Лоік Мейяр (+1,17).

Лукас Піньейру Бротэн стаў першым за ўсю гісторыю зімовых Алімпійскіх гульняў прадстаўніком не толькі Бразіліі, але і ўсёй Паўднёвай Амерыкі, які заваяваў алімпійскі медаль. Пры гэтым для кантынента гэта ўзнагарода стала адразу залатой.