19-гадовы паляк заваяваў другую медаль на Алімпіядзе

• 14.02.2026, 22:56

Кацпер Томасяк заваяваў бронзу.

Славенскі скокун Домэн Прэвц стаў алімпійскім чэмпіёнам на вялікім трампліне. Для яго гэта другое золата Алімпійскіх гульняў 2026 года — раней ён перамог у змешаным камандным турніры на нармальным трампліне.

Срэбра заваяваў японец Рэн Нікаідо, які не здолеў утрымаць лідарства пасля першай спробы. Для Нікаідо гэта трэцяя медаль на цяперашняй Алімпіядзе — у яго на рахунку ўжо былі бронзы.

Трэцім стаў 19-гадовы паляк Кацпер Томасяк, для якога гэта таксама ўжо не першая медаль Гульняў-2026 — у асабістым турніры на нармальным трампліне ён заваяваў срэбра.