Украінскія «Фламінга» ўдарылі па базаванні «Арэхніка»

• 15.02.2026, 3:22

Зяленскі распавёў пра вынікі.

ЗСУ некалькі дзён таму паразілі месца базавання расійскага «Арэхніка» ў Капусціным Яры. Пра гэта Уладзімір Зяленскі паведаміў у Мюнхене, піша «Зеркало недели. Украина».

Ён распавёў, што расіяне знішчылі вытворчую лінію ўкраінскіх ракет FP-5 «Фламінга», аднак іх вытворчасць цяпер адноўлена. У адказ Украіна нанесла ўдар па палігоне, дзе Расія размясціла «Арэхнік».

«У нас няма шмат (ракет «Фламінга», — рэд.). Мы іх выкарысталі некалькі дзён таму па тэрыторыі, дзе знаходзіцца сістэма «Арэхнік», і ўбачым вынікі, але, думаю, што мы вынікі ўсё ж атрымалі», — заявіў Зяленскі.

Ён дадаў, што Украіна таксама імкнецца знайсці і паразіць расійскія вытворчыя лініі.

Паводле даных вайскоўцаў, у выніку ўдару «Фламінга» па палігоне былі пашкоджаныя ангары і будынкі, а частку асабовага складу эвакуявалі.