Мужчына забраўся на дах гандлёвага цэнтра ў Маладзечне

• 15.02.2026, 5:00

Яго давялося выратоўваць.

Мужчына забраўся на дах гандлёвага цэнтра ў Маладзечне, і спусціцца адтуль яму дапамаглі выратавальнікі. Пра гэта паведамілі ў МНС Беларусі.

Сігнал пра мужчыну на даху чатырохпавярховага гандлёвага цэнтра «Спутник» на вуліцы Вялікі Гасцінец у Маладзечне ў МНС паступіў з міліцыі. Па ўказаным адрасе неадкладна выехалі выратавальнікі.

На момант прыезду супрацоўнікаў МНС мужчына ўсё яшчэ знаходзіўся на даху гандлёвага цэнтра. Як і навошта ён туды забраўся, а таксама колькі часу правёў на даху да таго, як яго заўважылі, невядома, але спускаць яго ўніз на зямлю давялося выратавальнікам. Яны вывелі мужчыну праз гарышчнае памяшканне і перадалі яго работнікам хуткай дапамогі.