І ў гэтым Зяленскі абсалютна мае рацыю

• Леанід Невзлін
• 15.02.2026, 14:55

Украіна не пагодзіцца на такія «гарантыі бяспекі».

На Мюнхенскай канферэнцыі Уладзімір Зяленскі закрануў найбольш праблемныя пытанні трохбаковых перамоваў паміж Украінай, ЗША і РФ. Ён заявіў, што Украіна не можа пагадзіцца на вывад войскаў з неакупаванага Данбаса ў абмен на абстрактныя абяцанні міру.

Паводле яго слоў, амерыканскі бок транслюе тэзіс пра тое, што выхад украінскіх сіл з Данбаса быццам стане гарантыяй міру. Аднак Зяленскі перакананы: сапраўдная мэта РФ — поўны захоп Украіны. І ў гэтым украінскі лідар абсалютна мае рацыю.

Не менш паказальнай аказалася дыскусія пра гарантыі бяспекі для Украіны. Праблема палягае не толькі ў чарговасці іх прадастаўлення і падпісання пагаднення з Масквой — Вашынгтон настойвае на тым, каб такія гарантыі ўступілі ў сілу толькі пасля заканчэння вайны. Аказваецца, паміж ЗША і Украінай існуюць разыходжанні адносна тэрмінаў іх дзеяння.

Паводле слоў Зяленскага, ЗША прапануюць гарантыі бяспекі на тэрмін значна меншы, чым гэта неабходна, і Украіна з такім падыходам не згодная: «Сёння ў нас ёсць прапанова па гарантыях бяспекі ад ЗША на 15 гадоў. Мы хочам мець больш за 20 гадоў — 30, 50. На што пойдзе адміністрацыя і Кангрэс — паглядзім».

Абмяркоўваць часовыя абмежаванні гарантый бяспекі для краіны, якой ужо паабяцалі бестэрміновую абарону незалежнасці і тэрытарыяльнай цэласнасці ў абмен на адмову ад ядзернай зброі, — гэта мяжуе з вар’яцтвам. Пасля гэтага цяжка здзіўляцца паводзінам, напрыклад, Ірана, які займаецца адкрытым шантажом на перамовах па ядзернай праграме, патрабуючы адмены санкцый як сведчанне сур’ёзнасці намераў ЗША.

Паводле ўсяго відаць, вяртанне Мядзінскага ў перамоўную дэлегацыю РФ — далёка не самы трывожны прызнак магчымога правалу перамоў.

Леанід Невзлін, «Фэйсбук»