Памёр легендарны стваральнік кансоляў Sega Mega Drive і Dreamcast

• 15.02.2026, 17:18

Хідэкі Сато было 77 гадоў.

На 78-м годзе жыцця 13 лютага 2025 года памёр Хідэкі Сато — чалавек, які стаяў за стварэннем самых вядомых гульнявых кансоляў кампаніі Sega. Пра гэта паведамляе выданне Kotaku.

Менавіта Сато кіраваў распрацоўкай усіх ключавых прыставак японскага гіганта ў XX стагоддзі. Пад яго кіраўніцтвам з’явіліся такія культавыя прыстаўкі, як Mega Drive (вядомая ў ЗША як Genesis), Sega Saturn і Dreamcast.

Гэтыя кансолі сфармавалі цэлую эпоху ў відэагульнях і склалі канкурэнцыю галоўнаму суперніку — Nintendo.

Шлях кампаніі Sega ў гульнявой індустрыі пачаўся ў 1983 годзе з выпуску 8-бітнай SG-1000. Да канца 1980-х Sega стала адным з самых пазнавальных брэндаў у свеце.

У 1988 годзе свет убачыла 16-бітная Mega Drive, якая падарыла гульцам не толькі перадавую графіку, але і новага маскота кампаніі — сіняга вожыка Соніка, які стаў поп-іконай і сімвалам усёй індустрыі на многія гады.