У Мінску пачаліся працы на тэрыторыі старадаўняга вінакурнага завода

• 15.02.2026, 20:40

Помнік архітэктуры рыхтуюць да рэстаўрацыі.

На вуліцы Маякоўскага, 79 у Мінску пачаліся працы на тэрыторыі старадаўняга дражджавы-вінакурнага завода пачатку XX стагоддзя.

Помнік архітэктуры «цаглянага стылю» прастаяў больш за 120 гадоў, піша Telegram-канал «Спадчына».

Судзячы па свежым фота, нядаўна на аб'екце былі знесены бакавыя аднапавярховыя прыбудовы, якія з'явіліся ўжо ў савецкі час, калі тут размяшчалася электрарамонтнае прадпрыемства.

Сам жа гістарычны будынак, узведзены ў 1903 годзе, пакуль не закрануты.

Крыху гісторыі

Будынак быў пабудаваны і запушчаны як дражджавы-вінакурны завод у 1903 годзе Еўстафіем Любанскім, які таксама быў уладальнікам сядзібы Лошыца. Сёння гэта адзін з нямногіх захаваных узораў прамысловай архітэктуры таго перыяду ў сталіцы Беларусі.

Эксперты спадзяюцца, што дэмантаж пазнейшых прыбудоў можа азначаць пачатак падрыхтоўкі да паўнавартаснай навуковай рэстаўрацыі, якую гэты помнік даўно заслугоўвае.

Афіцыйных пацвярджэнняў планаў па рэстаўрацыі пакуль не паступала.