Вядомы фігурыст з ЗША публічна падтрымаў Украіну на Алімпіядзе

• 15.02.2026, 21:29

Відэафакт.

Трохразовы чэмпіён ЗША па фігурным катанні, бронзавы прызёр чэмпіянату свету па фігурным катанні 2008-га года Джоні Веір падчас Алімпіяды выказаў падтрымку Украіне.

На зімовых Алімпійскіх гульнях 2026-га года ў Мілане былы амерыканскі фігурыст не выступае як спартсмен, а працуе аналітыкам і каментатарам фігурнага катання для трансляцый NBC Olympics. Ён апублікаваў у сваім Instagram-блогу відэа ў украінскай вышыванцы пад песню Піваварава «Ой на горі»:

«Вось сяджу я, вышываю, нікога не чапаю». Я ганарыўся тым, што насіў вышыванку ў Мілане».

Варта адзначыць, што Джоні Веір не ўпершыню выказваецца ў падтрымку ўкраінцаў. У лютым 2024-га года спартсмен надзеў украінскую форму і заклікаў дапамагаць Украіне ў вайне з акупацыйнай арміяй Расійскай Федэрацыі.