Польшча разгортае разведвальны батальён каля межаў Беларусі

• 15.02.2026, 21:41

Падраздзяленне размешчана ў раёне Сувалкскага калідора.

Батальён размяшчаецца ў раёне Сувалкскага калідора – 100-кіламетровай паласы на мяжы паміж Літвой і Польшчай.

Новае вайсковае падраздзяленне – 16-ы разведвальны батальён – разгорнуты на ўсходзе Польшчы, за 85 кіламетраў ад мяжы з Беларуссю, паведаміла ў нядзелю радыёстанцыя RMF24.

«Падраздзяленне будзе адыгрываць асноватворную ролю ў забеспячэнні разведвальных магчымасцяў і бяспекі ўсходняй мяжы Польшчы», – гаворыцца ў паведамленні.

Адзначаецца, што перадусім, паводле слоў вайскоўцаў, падраздзяленне будзе «вушамі і вачыма» ўсходняга флангу НАТА».

Казармы батальёна будуць размешчаныя ў паселішчы Канечкі ў павеце Эўк (Вармінска-Мазурскае ваяводства). Ён размешчаны прыблізна за 85 кіламетраў ад мяжы з Беларуссю і Расіяй.

Міністр нацыянальнай абароны Польшчы прыняў рашэнне аб фарміраванні 16-га разведвальнага батальёна Узброеных Сіл у кастрычніку 2023 года.