Як дапамагчы «Хартыі’97», не патраціўшы ні капейкі

• 16.02.2026, 10:11

Падтрымаць нас можна ўжо сёння.

Дарагія сябры! Калі вы жывяце ў Польшчы і лічыце, што мы робім важную справу, у вас ёсць простая магчымасць падтрымаць «Хартыю’97».

Найважнейшае — вы не патраціце ні капейкі ўласных грошай.

Вы можаце накіраваць частку выплачанага вамі падаходнага падатку на працу нашага сайта, падтрымаўшы рэдакцыю.

У мінулым годзе мы ўжо звярталіся да вас з падобнай просьбай. Грошай, якія нам удалося сабраць, хапіла, каб аплаціць месячную стаўку журналіста. Мы ўдзячныя кожнаму, хто перанакіраваў частку сваіх падаткаў на нашу падтрымку.

Калі вы працуеце ў Польшчы, вам штогод трэба падаваць падатковыя дэкларацыі PIT — з 15 лютага па 30 красавіка.

Як гэта зрабіць? Чытайце падрабязную інструкцыю тут

Дапамог сам — раскажы іншым

Сёння ў Польшчы працуюць дзясяткі тысяч беларусаў. Пасля 2020 года практычна ў кожнага, хто жыве ў Беларусі, ёсць сваякі, сябры, знаёмыя, якія пераехалі ў гэтую краіну. Вы можаце расказаць ім пра магчымасць падтрымаць наш сайт.

Калі вы ўжо дапамаглі нам — пакажыце гэтую інструкцыю вашым сябрам, калегам на працы.

Падключыце да гэтай акцыі знаёмых палякаў і ўкраінцаў.