Кіраўнік Rheinmetall ацаніў шанцы на мір ва Украіне ў 2026 годзе

• 16.02.2026, 12:21

Rheinmetall павялічыць пастаўкі зэнітных сістэм.

Генеральны дырэктар абароннага канцэрна Rheinmetall AG Армін Паппергер заявіў, што Расія не дэманструе гатоўнасці да спынення вайны супраць Украіны, таму чакаць міру ў бліжэйшы час не варта.

Як паведамляе РБК-Украіна, пра гэта ён сказаў у падкасце Table.Today ад Table.Briefings.

Паводле яго слоў, улічваючы бягучую сітуацыю, ён не прагназуе завяршэнне вайны ў 2026 годзе.

— Цяпер мы вырабляем больш боепрыпасаў, чым маем кантрактаў, — сказаў Паппергер.

Пры гэтым Rheinmetall магла б павялічыць пастаўкі зэнітных сістэм, боепрыпасаў і нават танкаў, аднак для гэтага патрэбна дадатковае фінансаванне.

Кіраўнік кампаніі паведаміў, што Rheinmetall плануе ў найбліжэйшыя гады павялічыць колькасць работнікаў да прыкладна 70 тысяч чалавек. Чакаецца, што да канца года партфель заказаў канцэрна можа дасягнуць каля 140 млрд еўра.