Кашалёк Лукашэнкі хавае свой бізнес

• 16.02.2026, 13:41

Аляксандр Зайцаў перааформіў таварны знак фестывалю «Сонцастаянне» з сябе на падкантрольную юрыдычную асобу.

Вядомы бізнесмен Аляксандр Зайцаў — больш не ўладальнік таварнага знака пружанскага фестывалю «Сонцастаянне». Ён перааформіў яго на аднайменную кампанію, піша «Белорусы и рынок».

Згодна з дадзенымі Нацыянальнага цэнтра інтэлектуальнай уласнасці, у студзені 2026 года Аляксандр Зайцаў перааформіў таварны знак «Сонцастаянне», пад якім праходзіць музычны фестываль у Пружанах, з сябе асабіста на аднайменную кампанію.

Яна была створаная ім у 2024 годзе і паспела правесці два мерапрыемствы на радзіме бізнесмена.

У канцэрце ў 2025 годзе ўзялі ўдзел прапуцінскія артысты: Вячаслаў Бутусаў, «Арыя», «Чайф», «Аліса», «Крэматорый» і іншыя гурты.