Генеральны сакратар Савета Еўропы прыбыў у Кіеў

• 16.02.2026, 14:31

Ён правёў перамовы з міністрам замежных спраў Украіны.

Генеральны сакратар Савета Еўропы Ален Берсэ прыбыў ва Украіну, паведамляе агенцтва «Інтэрфакс-Украіна».

Раніцай у панядзелак Берсэ правёў перамовы з міністрам замежных спраў Украіны Андрэем Сібігам. Пасля гэтага адбылася іх сумесная прэс-канферэнцыя.

Як паведамляе Reuters, Берсэ і Сібіга таксама ўшанавалі памяць загінулых украінскіх абаронцаў ля імправізаванага мемарыяла на Майдане Незалежнасці ў Кіеве.