Майстэрскі стрэл у нагу

• Антон Швец
• 16.02.2026, 15:58

Чаму візжыць крамлёўская абслуга.

З размоў зразумеў, што шмат хто не ўкурыў, у чым быў стрэл сабе ў нагу з забаронай Telegram у РФ. І таму большасць людзей не разумеюць, чаму там візжыць усякая крамлёўская абслуга з Дзярждуры. Выйшла проста агонь. Ну і дадатковае тлумачэнне, чаму адключэнне Starlink так па іх ударыла.

Тлумачу. Непасрэднае камандаванне ў русакоў у многіх месцах ужо трымалася на Starlink. Для перадачы відэа пры гэтым карысталіся Discord (так, да гэтага часу), а для ўсяго тэкставага, справаздач, гаспадарчых пытанняў і запісаных відэа выкарыстоўвалі Telegram. Пры гэтым на той момант Discord у РФ ужо быў заблакаваны, а Telegram — не. Але ўсім было пляваць, бо для Starlink блакіровак не існуе. Той жа Discord у расіян працаваў, вядома, праз выхад у агульныя інтэрнэты.

Магчыма, Роскомлагерь і пытаў у топавых расійскіх вайскоўцаў, як яны паставяцца да блакіровак Telegram у РФ. І яны, можа, і адказалі, што ім пляваць, бо калі ў камандавання будзе сувязь, дык ці не ўсё ім роўна, што ў расіян і простай пяхоты не будзе Telegram. Хіба што ў плюс, пэўна. І таму спакойна планавалі блакіроўку Telegram. А «ваеноркаў» не любяць і топавыя расійскія вайскоўцы, і таму іх Telegram-сетка для іх хутчэй праблема, чым дапамога.

Але тут Фёдараў праціснуў вялікага сябра расійскага народа Ілона Маска на адключэнне Starlink. Вядома, з гэтым можна змагацца, і гэта не значыць, што ў расійскіх вайскоўцаў не будзе сувязі ў прынцыпе. Будзе. Ёсць варыянты. Прамы радыёмост, mesh-сеткі і гэтак далей. Але каб усё працавала, як раней, усё гэта трэба было дацягнуць да аптыкі расійскіх тэлеком-аператараў і да іх выхадаў у інтэрнэты адпаведна. І датягнулі, вядома. Але пасля гэтага ўсе зразумелі, што па-ранейшаму гэта ўсё адно не працуе, бо ў РФ заблакаваны Discord. То-бок інтэрнэт ёсць, але ўсё трэба перабудоўваць, пераўсталёўваць і шукаць іншыя сродкі для перадачы відэа. Ужо менш зручныя, менш вядомыя і менш распаўсюджаныя. Таварыш маёр у шоку, бо айцішнікі не ўсе там разумныя, большасць умее працаваць толькі па інструкцыі, а пабудаваць перадачу патокавага відэа так, каб яно пастаянна не адвалівалася, можа не кожны.

І тут Роскомпозор пачаў адрубаць і Telegram. Вядома, гэта не канчаткова, думаю, яны цяпер усё адкатаюць, і цалкам Telegram у РФ заблакануць ужо пасля іх «выбараў» у Дзярждуру. Але пакуль ідуць тэсты, у расійскіх вайскоўцаў адвалілася ўся зручная сувязь. Ну і дадатковым плюсам з’яўляецца яшчэ і ўдар па «ваенорках», бо іх валанцёрскія зборы там таксама праз Telegram.

Майстэрскі стрэл у нагу. Тым больш, што расійскія генералы не могуць прыйсці ў палітычны блок Крамля і сказаць разблакаваць усё назад, бо тады яны прызнаюць, што сядзяць не на ўласнай «аналоговнетнай» сувязі, а на замежных рашэннях. Таму пойдзе «давай праграміруй» уніз па ланцугу падпарадкавання. Яны гэта выпраўяць, але для гэтага ім спатрэбіцца пэўны час, і рашэнні не будуць універсальнымі. Што плюс.

Для ўсіх «зрадаманаў», якія кажуць, што і для нас адключэнне Starlink мела наступствы, магу сказаць, што плюсаў тут больш (бо «старлінкаляты» — гэта праблема). Ну і ўдар па варожых штабах. А нашы мінусы патроху выпраўляюцца. Больш каментароў, як там і што цяпер са Starlink, пісаць забаронена, таму і я пісаць не буду. Хочаце — пакутуйце, але я ведаю, як яно там насамрэч. Таксама прапановы адыходзіць ад залежнасці ад Starlink раю выказваць ужо вашаму непасрэднаму камандзіру. Ці падраздзяленню, якое вы апякаеце. Калі ў вас яго дагэтуль няма, прапаноў не трэба.

На гэтым усё.

Антон Швец, Telegram