У Салігорску гарэў гуртожытак

• 16.02.2026, 21:23

Ратавальнікі эвакуявалі 67 чалавек, у тым ліку 10 дзяцей.

У Салігорску на вуліцы Заслонава гарэў гуртожытак. Ратавальнікі эвакуявалі 67 чалавек, у тым ліку 10 дзяцей, пацярпелых няма, паведамілі ў МНС.

«Па прыбыцці падраздзяленняў Міністэрства па надзвычайных сітуацыях стала вядома, што на чацвёртым паверсе дзевяціпавярховага будынка ў двухпакаёвым блоку загарэлася пасцельная бялізна плошчай 2 кв. м. Ратавальнікі патушылі пажар. Першапачаткова ахвяр не было», — паведамілі ратавальнікі.

Прычына здарэння высвятляецца.