Куба адмяніла свой фірмовы фестываль сігар

• 17.02.2026, 1:13

Ён праводзіўся штогод.

Свята сігар, якое павінна было адбывацца на працягу пяці дзён у Гаване напрыканцы лютага, вырашылі адмяніць; адпаведная інфармацыя з'явілася на сайце аргкамітэта.

Усё з-за недахопу энергарэсурсаў — востраў перажывае адны з самых сур'ёзных выпрабаванняў пасля распаду СССР.

Гэты фестываль стаў бы 26-м па ліку.

«Аргкамітэт цяпер працуе над новай датай правядзення мерапрыемства, якая будзе абвешчаная пазней праз афіцыйныя каналы фестывалю», — гаворыцца ў паведамленні.

Арганізатары запэўнілі, што вернуць фестываль, які стане працягам традыцый Habano (вытворцы кубінскіх сігар). Пры гэтым дакладная дата не называецца.