Лукашэнка заявіў пра рост дэфектнасці «Белкамунмаша» на 40%
- 17.02.2026, 21:36
Не лепшая сітуацыя і на «Гомсельмашы».
Аляксандр Лукашэнка заявіў пра рост дэфектнасці «Белкамунмаша» на 40%. Пра гэта паведамляе прэс-служба узурпатара.
Дыктатар, заслухоўваючы даклад урада за 2025 год, зрабіў акцэнт на працягу працы над якасцю прадукцыі, якая выпускаецца. Тым больш, што ў краіне і надалей працягваецца пяцігодка якасці.
-– Колькі гадоў працавалі над развіццём электратранспарту, рэалізавалі цэлую праграму, – адзначыў Лукашэнка.
Дыктатар звярнуў увагу, што штогод ёсць скаргі на дэфекты, а таксама стосы рэкламацый:
-– У мінулым годзе ў «Белкамунмаша» па ўсіх рэгіёнах продажаў дэфектнасць павялічылася амаль на 40%.
Паводле слоў узурпатара, не лепшая сітуацыя і на «Гомсельмашы», дзе розныя прычыны адмоваў у кожнага другога гарантыйнага камбайна.