Лукашэнка патэлефанаваў Пуціну

• 19.02.2026, 21:41

На наступным тыдні адбудзецца іх сустрэча.

Лукашэнка і расійскі дыктатар Уладзімір Пуцін правялі тэлефонную размову ў чацвер, 19 лютага, паведаміла прэс-служба Крамля.

Размова кіраўнікоў Беларусі і Расіі адбылася каля 21.00 па Мінску.

Паведамляецца, што Пуцін і Лукашэнка размаўлялі пра пасяджэнне так званага Вышэйшага дзяржаўнага савета «саюзнай дзяржавы» Расіі і Беларусі, якое адбудзецца ў Маскве на наступным тыдні.

У прыватнасці, абмяркоўваліся пытанні падрыхтоўкі пасяджэння.