Дзмітро Ярош: Трымаем строй, браты і сёстры!

• Дзмітро Ярош
• 20.02.2026, 12:25

Калі будзем грызціся — прайграем

Я паважаю генерала Валерыя Залужнага і яго каманду старшых афіцэраў і генералаў, якія ва ўмовах, што існавалі, калі ён быў галоўнакамандуючым, зрабілі ўсё магчымае і гераічнае для процідзеяння ворагу.

Я паважаю генерала Аляксандра Сырскага і тых, хто ў ягонай камандзе, за тое, што яны рабілі і робяць, вядучы ў надзвычай складаных умовах баявыя дзеянні супраць агрэсара.

Я паважаю генерала Малюка, які праявіў сябе як нельга лепш у барацьбе з падступным і магутным ворагам, займаючы пасаду кіраўніка СБУ.

Я паважаю генералаў Хмару і Паклада і ўсіх генералаў, афіцэраў і байцоў СБУ, якія тварылі і творяць цуды, знішчаючы оркаў.

Я паважаю генерала Кірыла Буданава з яго генераламі, афіцэрамі, салдатамі і сяржантамі ГУР МО, якія ідуць напралом на ворага ўсюды, дзе ён знаходзіцца.

Я паважаю генерала Білецкага, палкоўніка Пракапенку і ўсіх, хто з добраахвотніцкіх шэрагаў, у барацьбе не на жыццё, а на смерць, вядзе за сабой шэрагі ўкраінскіх воінаў.

Я паважаю пятага прэзідэнта Украіны Пятра Парашэнку і яго каманду, якая не здала нас, украінцаў, пацакам (а мела такую магчымасць).

Так. Я паважаю і Вярхоўнага галоўнакамандуючага Узброенымі Сіламі Украіны сваёй дзяржавы Уладзіміра Зяленскага.

Я паважаю кожнага, хто змагаецца супраць агрэсіі эрафіі: будзь то на перадавой ці ў тыле.

Я люблю і паважаю свой украінскі народ, які найлепшы ў свеце і непераможны!

Я ведаю, што ўсе, каго я пералічыў, далёка не ідэальныя. Некаторым з іх я б з задавальненнем марду набіў, але…

Але я ведаю і іншае: пакуль мы адзіныя, Пуцін і яго ардынская кліка нас не здолее.

Таму давайце не паддавацца спакусе перагрызці адно аднаму горла!

Утрымаемся — пераможам! Будзем жраць адно аднаго — прайграем.

Давайце паважаць адно аднаго і кожны — сябе! Не будзем ператварацца ў быдла!

Давайце змагацца за нашу будучыню і за тых, хто ўжо не з намі!

Украінская нацыя — гэта мёртвыя, жывыя і ненароджаныя ўкраінцы, ва Украіне і па-за ёй.

У нацыянальна-вызваленчай барацьбе альбо ўсе разам перамагаюць, альбо прайграюць — таксама ўсе.

Трымаем строй, браты і сёстры!

Слава Украіне!

Дзмітро Ярош, «Фэйсбук»