Відэафакт: Дроны ЗСУ разбамбілі галоўныя аэрадромы РФ у Крыме

• 20.02.2026, 13:58

Асабліва шмат выбухаў чулі жыхары Севастопаля.

У ноч на 20 лютага дроны нанеслі масіраваны ўдар па ваенных аэрадромах у часова акупаваным Крыме. Пра гэта піша Диалог.UA, правёўшы маніторынг сацсетак і мэсэнджараў.

Акупанты абвясцілі ў Крыме паветраную трывогу яшчэ ўчора ўвечары, 19 лютага. Мясцовыя жыхары пачулі першыя выбухі прыкладна а 21:19. Далей выбухі раздаваліся па ўсім акупаваным Крыме цягам амаль усёй ночы 20 лютага. Асабліва шмат выбухаў чулі жыхары Севастопаля. Відэа публікуе Telegram-канал Exilenova+.

Паводле папярэдняй інфармацыі, пад атаку ўкраінскіх дронаў трапілі ваенныя аэрадромы Бельбек і Кача, якія актыўна выкарыстоўваюць расійскія акупанты.

Таксама, магчыма, недалёка ад Джанкоя знішчаны склад гаруча-змазачных матэрыялаў расійскай акупацыйнай арміі.

Так званы «губернатар» Севастопаля Міхаіл Разважаеў пацвердзіў, што ў ноч на 20 студзеня ЗСУ нанеслі паветраныя ўдары па ваенных і стратэгічных аб'ектах расійскіх акупантаў у Крыме. Ён заявіў, што расійская СПА ўсю ноч адбівала паветраную атаку.

Паветраную трывогу ў Крыме акупацыйная расійская адміністрацыя адмяніла толькі рана раніцай — а 04:41.

За гэты час расійская СПА нібыта збіла больш за 26 украінскіх БПЛА. Мінабароны РФ сцвярджае, што расійская СПА ў ноч на 20 лютага над тэрыторыяй Расіі нібыта збіла 129 украінскіх БПЛА.

Акрамя таго, расійская СПА сёння ўначы таксама нібыта збіла 20 украінскіх дронаў над анексаваным Крымам.