У беларускім футболе з’явіцца VAR

• 20.02.2026, 21:56

Ужо з наступнага сезона.

У чэмпіянаце Беларусі па футболе нарэшце з’явіцца сістэма VAR. Пра тэрміны яе ўкаранення старшыня Беларускай федэрацыі футбола Яўген Булойчык распавёў на канферэнцыі АБФФ, заўважыў сайт «Еўрарадыё».

«Намераныя ўкараніць сістэму VAR у найбліжэйшым сезоне Вышэйшай лігі», — заявіў ён.

Футбольны сезон у Беларусі стартуе 28 лютага матчам за Betera-Суперкубак. У ім сустрэнуцца клубы «МЛ Віцебск» і «Нёман». Першы тур Betera-вышэйшай лігі пройдзе з 20 па 22 сакавіка.

Сістэма VAR — гэта сістэма дапамогі арбітрам, якая выкарыстоўвае прагляд відэапаўтораў.