Чэхія далучылася да байкоту Паралімпіяды з-за ўдзелу беларусаў

• 20.02.2026, 23:23

У Празе заявілі, што спорт — гэта не толькі вынікі, але і каштоўнасці.

Чэшскія паралімпійцы не будуць удзельнічаць у цырымоніі адкрыцця Паралімпійскіх гульняў, бо асуджаюць допуск параспартсменаў краін-агрэсараў — Расіі і Беларусі — да ўдзелу ў Гульнях пад нацыянальнымі сцягамі і сімволікай.

Пра гэта піша «Еўрапейская праўда».

«Пакуль працягваецца агрэсія ва Украіне, расійскія і беларускія спартсмены не маюць месца на міжнародных спаборніцтвах», — заявіў Чэшскі паралімпійскі камітэт.

Паралімпійцы падкрэслілі, што спорт — гэта не толькі вынікі, але і каштоўнасці, якія расійская агрэсія ва Украіне цалкам адмаўляе.

«Таму мы далучымся да ўкраінскай каманды ў байкоце цырымоніі адкрыцця», — адзначылі яны.

Паралімпійскія гульні 2026 года пройдуць з 6 па 15 сакавіка.