Банкам дазволілі блакаваць адзін від плацяжоў па картках некаторых беларусаў

• 21.02.2026, 10:55

Стала вядома, каго закране абмежаванне.

Беларускім банкам дазволілі адхіляць аперацыі, звязаныя з аплатай латарэйных ставак, па картках некаторых беларусаў. Адпаведны ўказ 20 лютага падпісаў Лукашэнка, паведамляе «Тэлеграф».

Як патлумачылі ў адміністрацыі дыктатара, новы ўказ (Указ № 64 «Аб удасканаленні латарэйнай дзейнасці») забараняе ўдзельнічаць у электронных імгненных латарэях дзвюм катэгорыям беларусаў:

непаўналетнім (якія не дасягнулі 18 гадоў),

асобам, якім афіцыйна забаронена наведваць ігральныя ўстановы (у тым ліку віртуальныя) і гуляць у азартныя гульні.

Менавіта ім цяпер банк зможа адмаўляць у правядзенні аперацый, звязаных з аплатай латарэйных ставак — у ўказе для гэтага прапісаны дакладны механізм. Акрамя таго, папаўняць гульнявы рахунак для ўдзелу ў такіх латарэях цяпер можна будзе толькі ў безнаяўнай форме.