ЗША перамаглі ў камандным турніры па лыжнай акрабатыцы на Алімпіядзе-2026

• 21.02.2026, 16:06

Зборная Аўстраліі, якую трэніруе беларус, заняла чацвёртае месца.

Сёння, 21 лютага, на Алімпіядзе-2026 прайшлі спаборніцтвы змяшаных каманд у лыжнай акрабатыцы.

Перамогу атрымала зборная ЗША, паведамляе «Трыбуна».

У суперфінале выступілі зборныя Швейцарыі, ЗША, Кітая і Аўстраліі.

Звярнем увагу, што зборную Аўстраліі трэніруе двухразовы прызёр Алімпійскіх гульняў беларус Дзмітрый Дашчынскі.

Акрамя таго, Аўстралія была адзінай камандай з двума жанчынамі і адным мужчынам у складзе. Усе астатнія зборныя складаліся з двух мужчын і адной жанчыны.

Алімпійскія гульні-2026

Мілан, Італія

Фрыстайл

Лыжная акрабатыка

Камандны турнір

1. ЗША – 325,35

2. Швейцарыя – 296,91

3. Кітай – 279,68

4. Аўстралія – 256,04