Беларускія спартсмены не будуць дапушчаныя да чэмпіянату свету па фігурным катанні

• 21.02.2026, 19:22

Чэмпіянат свету пройдзе ў Празе ў сакавіку.

Міжнародны саюз канькабежцаў (ISU) не дапусціць да чэмпіянату свету беларускіх і расійскіх спартсменаў, пра гэта арганізацыя паведаміла тэлеканалу «Матч ТВ» (РФ).

«Фігурысты, якія маюць расійскія і беларускія пашпарты, не змогуць атрымаць запрашэнні ці ўдзельнічаць у спаборніцтвах ISU. Для кваліфікацыйных спаборніцтваў да зімовых Алімпійскіх гульняў 2026 года ў Мілане і Кортіне-д’Ампецца (Італія) было зроблена выключэнне», — паведамілі ў ISU.

Чэмпіянат свету пройдзе ў Празе 24–29 сакавіка.