Новыя глабальныя пошліны на імпарт у ЗША складуць 15%

• 21.02.2026, 19:45

Трамп змяніў рашэнне.

Тарыфы ў памеры 15%, замест раней заяўленых 10%, прэзідэнт ЗША Дональд Трамп устанавіў пасля «ўважлівай, дэталёвай і поўнай» праверкі рашэння Вярхоўнага суда адносна яго гандлёвай палітыкі.

Пра гэта Трамп напісаў у сваёй сацсетцы Truth Social.

У сваім паведамленні кіраўнік Белага дома падкрэсліў, што пошліны ўступаюць у сілу «неадкладна», і дадаў, што новы ўзровень тарыфаў «цалкам дазволены» і правераны з юрыдычнага пункту гледжання.