The Telegraph: У Вялікабрытаніі зрабілі гучную заяву пра разгортванне войскаў ва Украіне

• 22.02.2026, 11:54

2026 год павінен стаць «годам завяршэння вайны».

Міністр абароны Вялікабрытаніі Джон Гілі заявіў пра намер стаць першым кіраўніком абароннага ведамства, які разгорне брытанскіх вайскоўцаў ва Украіне пасля заключэння мірнага пагаднення. На яго перакананне, 2026 год павінен стаць «гадам завяршэння гэтай жахлівай вайны».

У калонцы для The Telegraph Гілі апісаў сваё бачанне завяршэння расійска-украінскай вайны і падкрэсліў непахісную падтрымку прэзідэнта Уладзіміра Зяленскага. Ён адзначыў:

«Я хачу быць міністрам абароны, які разгорне брытанскія войскі ва Украіне, бо гэта будзе азначаць, што гэтая вайна нарэшце скончыцца. Гэта будзе азначаць, што мы дамовіліся пра мір ва Украіне. А бяспечнай Еўропе патрэбная моцная, суверэнная Украіна».

Міротворчая «кааліцыя ахвотных»

Лондан разам з саюзнікамі працуе над фарміраваннем шматнацыянальных сіл, якія будуць забяспечваць бяспеку Украіны пасля спынення баявых дзеянняў. Вялікабрытанія ўжо інвеставала больш за 250 млн долараў у падрыхтоўку ўласных вайскоўцаў да магчымога разгортвання — сродкі пойдуць на мадэрнізацыю тэхнікі, сувязі і сродкаў супрацьдзеяння дронам.

Акрамя таго, краіна далучылася да сумеснай вытворчасці ўкраінскага перахопніка «Васьміног» на базе штучнага інтэлекту, здольнага эфектыўна знішчаць Shahed па ніжэйшым сабекошце.

Візіт падчас масіраваных атак

Гілі таксама ўзгадаў свой нядаўні прыезд ва Украіну, які супаў з адной з самых магутных атак РФ. Паводле яго слоў, тае ночы расійскія войскі выпусцілі 90 Shahed па Кіеве, а балістычная ракета патрапіла ў Львоў - усяго за 15 хвілін язды ад месца яго знаходжання.

«Гэта суровае напамінанне пра тое, што ўкраінскі народ пераżyў за апошнія 1459 начэй», - адзначыў міністр.

Падтрымка без стомы

Кіраўнік брытанскага Мінабароны падкрэсліў, што Лондан працягне нарошчваць ваенную дапамогу Украіне і ўзмацняць санкцыйны ціск на Расію. Ён адзначыў, што ўкраінскія вайскоўцы ўжо інтэгруюцца ў навучальныя праграмы НАТА і перадаюць саюзнікам свой досвед барацьбы з дронамі.

У сваёй калонцы Гілі падкрэсліў:

«Украінцы паказалі, што не баяцца расійскай агрэсіі. Адзінае, чаго баіцца Украіна, – гэта стома Захаду. Але, як ведае прэзідэнт Зяленскі, сябры Украіны ніколі не стомяцца».

Міністр падсумаваў, што Вялікабрытанія імкнецца дапамагчы Украіне ўвайсці ў перамовы з максімальна моцных пазіцый і зрабіць 2026 год годам завяршэння вайны.