У Мсціславе гарэў інтэрнат

• 22.02.2026, 12:38

Выратаваныя двое, эвакуявана 68 чалавек.

Увечары ў Мсціславе ўспыхнуў пажар у пяціпавярховым інтэрнаце на вуліцы Кірава, ратавальнікі МНС выратавалі двух чалавек, паведамілі ў прэс-службе ведамства, піша «Зеркало».

Сігнал аб узгаранні паступіў праз сістэму перадачы паведамленняў аб НС «Молния». Па прыбыцці да месца выкліку ратавальнікі выявілі адкрытае гарэнне з акна на першым паверсе. Калідор будынка быў цалкам запоўнены дымам. Праз аконны праём пажарныя вывелі двух мужчын і перадалі іх медыкам.

Таксама ратавальнікі эвакуявалі 68 жыхароў, у тым ліку 15 дзяцей.

Пажар поўнасцю ліквідаваны, абставіны здарэння ўдакладняюцца. На месцы працавалі пяць адзінак тэхнікі МНС.