Беларусам параілі, што схаваць і змяніць у сваім падпісе

• 22.02.2026, 19:07

Для абароны ад махляроў.

Старшы навуковы супрацоўнік лабараторыі тэхнічных і крыміналістычных даследаванняў Навукова-практычнага цэнтра Дзяржаўнага камітэта судовых экспертыз Дыяна Жалудзева расказала, што схаваць і змяніць у сваім падпісе дзеля яго абароны ад махляроў. Пра гэта, піша агенцтва «Минск-Новости», спецыяліст расказала ў межах адукацыйнага праекта «Мастацтва і таямніцы ручнога пісьма» Нацыянальнай бібліятэкі Беларусі.

«Раю добра падумаць над выбарам подпісу, каб ускладніць задачу махлярам. Для абароны подпісу раю схаваць месцы яго пачатку і канца, зрабіць як мага больш рэзкіх прыпынкаў і змяніць кірунак руху», — дала параду Дыяна Жалудзева.

Таксама прадстаўніца НПЦ Дзяржкамітэта судовых экспертыз адзначыла, што кожны подпіс мае сваю будову. Шмат якія элементы счытваюць электронныя планшэты, на якіх у розных арганізацыях часам просяць грамадзяніна распісацца. Гэта і адрозненні ў націсках, і розны час выканання тых ці іншых элементаў аўтографа, і траекторыя руху рукі ў паветры. Усё гэта зламыснікі не змогуць паўтарыць нават пасля працяглай практыкі.