На выбарах у Калумбіі балатуецца ШІ-бот

• 23.02.2026, 7:30

Упершыню ў гісторыі чалавецтва.

Грамадзяне Калумбіі, прыйшоўшы на выбарчыя ўчасткі 8 сакавіка, змогуць прагаласаваць за віртуальную кандыдатку — бота, якога завуць Гаітана. Пра гэта паведаміла ў нядзелю, 22 лютага, выданне El Colombiano, падкрэсліўшы, што Гаітана — не чалавек, а аватар бота, створанага з дапамогай штучнага інтэлекту.

Гэта першы ў гісторыі планеты выпадак, калі ў парламент суверэннай дзяржавы балатуецца бот.

Мэта праекта — узмацненне палітычнага ўплыву індзейцаў лічбавымі сродкамі. Акрамя таго, стваральнікі Гаітаны хочуць на практыцы праверыць, як ШІ ўплывае на актыўнасць выбаршчыкаў і ці спрыяе ён інтэграцыі ў палітычную сістэму груп насельніцтва, якія не маюць належнага прадстаўніцтва.

У агітацыйных матэрыялах Гаітана таксама прадстаўлена як актывістка экалагічнага руху, што вядзе барацьбу за захаванне навакольнага асяроддзя і рэдкіх відаў жывёл.