У Мексіцы пачалася вайна картэляў супраць вайскоўцаў

• 23.02.2026, 12:47

У адказ баевікі картэля падпалілі аўтамабілі і перакрылі дарогі ў шэрагу гарадоў.

Мексіканскі спецназ у нядзелю ліквідаваў Немесіа «Менча» Осэгеру — лідара картэля «Халіска Новае пакаленне» і самага разыскваемага наркабарона краіны, за галаву якога ЗША прызначылі ўзнагароду ў 15 млн долараў. У адказ баевікі картэля падпалілі аўтамабілі і перакрылі дарогі ў Гвадалахары, Пуэрта-Вальярце і на мяжы з ЗША, паведамляе The Wall Street Journal.

Осэгеру забілі падчас рэйду ў муніцыпалітэце Тапальпа, за 130 км на паўднёвы захад ад Гвадалахары. У аперацыі ўдзельнічалі ваенная разведка, ВПС і элітныя Сілы неадкладнага рэагавання Нацыянальнай гвардыі. Чацвёра баевікоў картэля загінулі на месцы, яшчэ трое, уключаючы Осэгеру, памерлі падчас транспарціроўкі ў Мехіка.

Былы паліцэйскі, які ў юнацтве гандляваў авакада, Осэгера ператварыў «Халіска» ў найбуйнейшы наркакартэль Мексікі, патясніўшы «Сіналоа». Яго людзі тонамі перавозілі какаін з Калумбіі на хуткасных катэрах і паўпадводных лодках. На ўзбраенні асабістай аховы былі пераносныя супрацьтанкавыя ракетныя комплексы.