У Мінску затрымалі ўсю сям'ю выдаўцоў Багдановічаў

• 23.02.2026, 13:08

Мужа, жонку і дзвюх дачок.

У выніку масавых затрыманняў выдаўцоў і кнігараспаўсюджвальнікаў, якія адбыліся мінулага тыдня ў Мінску, была затрыманая каталіцкая сям'я Багдановічаў, піша «Хрысціянская візія».

Верагодна, Алену і Вацлава разам з іх дачкамі — Антанінай і Вікторыяй — затрымалі ў сувязі з іх дзейнасцю ў выдавецтве «Тэхналогія». На старонцы выдавецтва ў Facebook з'явілася паведамленне, што яно часова не працуе «па пэўных прычынах».

Вацлаў і Вікторыя таксама з'яўляюцца аўтарамі ўласных кніг, якія публікаваліся на беларускай мове.

Паводле папярэдняй інфармацыі, на волю былі выпушчаныя толькі Алена і Антаніна Багдановічы. Што адбываецца з Вацлавам і Вікторыяй — невядома.