ў Кіеў прыедуць лідары Еўрасаюза

• 23.02.2026, 17:58

Урсула фон дэр Ляен і Антоніу Кошта возьмуць удзел у пасяджэнні «кааліцыі ахвочых».

Прэзідэнт Еўракамісіі Урсула фон дэр Ляен і прэзідэнт Еўрапейскага савета Антоніу Кошта прыедуць 24 лютага ў Кіеў на чацвёртую гадавіну поўнамаштабнага ўварвання РФ ва Украіну. Пра гэта паведамляе «Укрінформ» са спасылкай на прэс-службу ЕК.

Ляен і Кошта возьмуць удзел у афіцыйнай жалобнай цырымоніі, прысвечанай пачатку поўнамаштабнай вайны. Яны таксама наведаюць аб’ект энергетычнай інфраструктуры, пашкоджаны расійскімі ракетнымі ўдарамі, і правядуць сустрэчу з прэзідэнтам Украіны Уладзімірам Зяленскім.

Абодва палітыкі далучацца да пасяджэння «кааліцыі ахвочых», якое заўтра пройдзе ў Кіеве, гаворыцца ў паведамленні.

«Сустрэча пацвярджае абавязацельствы 35 краін-удзельніц падтрымліваць Украіну ў дасягненні трывалага і ўстойлівага міру, забяспечваючы бяспеку як Украіны, так і Еўропы», — адзначаюць у Еўракамісіі.