Ля будынка Еўрапейскай камісіі ўзнялі сцяг Украіны

• 23.02.2026, 22:28

Фотафакт.

У Бруселі ля будынка Еўрапейскай камісіі ўзнялі сцяг Украіны, каб выказаць салідарнасць з украінцамі ў сувязі з чацвёртай гадавінай поўнамаштабнага ўварвання РФ.

Пра гэта прэс-служба Еўракамісіі паведаміла ў сацсетцы X.

У Еўракамісіі назвалі сцяг Украіны «сімвалам стойкасці і надзеі Еўропы».

«Сцяг, які мы ўздымаем сёння, увасабляе непахісны дух нацыі, якая ўжо чатыры гады змагаецца з поўнамаштабным неабгрунтаваным гвалтам і разбурэннямі. Справа Украіны — гэта справа справядлівага міру на нашым кантыненце», — адзначылі ў Еўракамісіі.