Матч КХЛ у Сочы адмянілі з-за пагрозы атакі БПЛА

• 23.02.2026, 23:05

Каманды паспелі правесці адзін перыяд.

Матч рэгулярнага чэмпіянату КХЛ паміж «Сочы» і маскоўскім ЦСКА перарвалі пасля першага перыяду ў сувязі з паўторным абвяшчэннем на тэрыторыі Сірыуса і Сочы рэжыму атакі БПЛА, паведаміла прэс-служба КХЛ.

Сустрэчу вырашылі не дагуляць у панядзелак, рашэнне па ёй ліга паведаміць пазней.

Матч павінен быў пачацца а 17:00 мск, але пачаўся а 18:15 па Мінску з-за авіяцыйнай небяспекі. Лік у гульні пасля першага перыяду быў 0:0. Як піша «РІА Навіны», дыктар на стадыёне папрасіў усіх неадкладна прайсці ў сховішча.

А 18:38 па Мінску Росавіяцыя ў чацвёрты раз за дзень паведаміла пра прыпыненне прыёму і адпраўлення самалётаў у аэрапорце Сочы.