Пад Адэсай кіроўца выцягнуў з-пад фуры баегалоўку ад «Шахеда», якая не выбухнула

• 24.02.2026, 8:23

Інцыдэнт паказалі на відэа.

У Адэскай вобласці мужчына ўласнаручна выцягнуў з-пад свайго грузавіка баегалоўку ад «Шахеда», якая не выбухнула.

Інцыдэнт адбыўся ў Чарнаморску, піша мясцовы тэлеграм-канал.

«Сёння падчас атакі на Чарнаморск мужчыну пад фуру заляцела баегалоўка ад шахеда, але ён не разгубіўся і выкінуў яе голымі рукамі», — гаворыцца ў подпісе да відэа.

На саміх кадрах сапраўды бачна, што мужчына выкідвае з-пад колаў грузавіка баегалоўку ад «Шахеда», пасля чаго сядае за руль і спрабуе завесці транспартны сродак.

Пры гэтым увесь гэты час на фоне палае іншы грузавік.