Мінскае «Дынама» не змагло вылецець у Сочы з-за атакі дронаў

• 24.02.2026, 11:26

Хакеісты затрымаліся ў Ніжнім Ноўгарадзе.

Хакеісты мінскага «Дынама» не змаглі вылецець 23 лютага з Ніжняга Ноўгарада ў Сочы з-за рэжыму пагрозы атакі БПЛА, піша kp.ru.

«Дынама» перамагло 23 лютага ў Ніжнім Ноўгарадзе «Тарпеда» (4:3) і павінна было ў гэты ж дзень адправіцца на чарговы матч чэмпіянату КХЛ у Сочы. Больш за тое, супраць «Сочы» мінчукі павінны правесці два матчы запар — 25 і 27 лютага. Але каманда не змагла вылецець з Ніжняга Ноўгарада.

Паведамляецца, што хакеісты правялі ў самалёце больш за паўтары гадзіны, чакаючы дазволу на вылет. Дазволу так і не далі, і каманда засталася на ноч у Ніжнім Ноўгарадзе. Чарговая спроба адправіцца ў Сочы запланавана на 24 лютага.

«Росавіяцыя» ў чацвёрты раз за дзень паведаміла пра прыпыненне прыёму і адпраўлення самалётаў у аэрапорце Сочы з-за атакі дронаў.