У Беларусі з’явіліся навацыі па бальнічным

• 24.02.2026, 15:39

Стала вядома, каго яны тычацца.

У Фондзе сацыяльнай абароны насельніцтва (ФСАН) распавялі пра навацыі па бальнічным. Змены датычацца індывідуальных прадпрымальнікаў, адвакатаў і натарыусаў, піша «Zerkalo».

Індывідуальным прадпрымальнікам, адвакатам і натарыусам з 2026 года стала прасцей атрымліваць бальнічныя, удакладніла начальніца ўпраўлення сацыяльнага страхавання і пенсій Фонду сацыяльнай абароны насельніцтва Алена Лосева.

«Раней, каб мець права на бальнічны, было неабходна выканаць умову — заплаціць узносы як мінімум за 183 дні ў годзе і не ніжэйшыя, чым з мінімальнай заработнай платы (цяпер яна складае 858 рублёў. — Заўв. рэд.)», — удакладнілі ў ФСАН.

Цяпер мінімальнай планкі па днях няма. Права на дапамогу атрымліваюць усе, хто сплачваў узносы ў папярэднім годзе. Нават калі чалавек адпрацаваў усяго адзін дзень за год.

Пры гэтым памер бальнічнага залежыць ад даходу за мінулы год.

«Увесь ваш чысты даход за мінулы год (з якога сплачаныя ўзносы) дзеліцца на 365 дзён. Калі зарэгістраваліся не з пачатку года — даход дзеліцца на колькасць дзён з даты рэгістрацыі да 31 снежня», — адзначылі ў ФСАН і дадалі: — Памер дапамогі залежыць ад стажу (перыяду сплаты ўзносаў з 1 студзеня 2003 года). Стаж 10 гадоў і больш — 100% ад сярэднядзённага даходу, менш за гэты перыяд — 80%.»