Макрон скептычна ацаніў перспектывы хуткага міру ва Украіне

• 24.02.2026, 20:59

У Расіі няма волі да дасягнення міру.

Прэзідэнт Францыі Эмануэль Макрон заявіў, што «вельмі скептычна» ставіцца да магчымасці ў бліжэйшы час дасягнуць мірнага ўрэгулявання вайны РФ ва Украіне. Пра гэта ён паведаміў на сустрэчы «кааліцыі ахвотных», перадае Le Figaro.

«Я, мякка кажучы, вельмі скептычна стаўлюся да магчымасці дасягнення міру ў кароткатэрміновай перспектыве», — сказаў Макрон на адкрыцці сустрэчы.

Разам з тым ён адзначыў, што намаганні па мірных перамовах «добра працягваць». На думку французскага прэзідэнта, у Расіі «няма волі да дасягнення міру».