Хуліа Іглесіас падаў у суд на віцэ-прэм'ерку Іспаніі

• 25.02.2026, 6:59

Іспанскі спявак дамагаецца кампенсацыі.

Іспанскі спявак Хуліа Іглесіас падаў пазоў у суд супраць віцэ-прэм'еркі Іспаніі Ёланды Дыас, абвінаваціўшы яе ў паклёпе, паведаміла El Mundo.

Мова пра інтэрв'ю і заяву Дыас 13 лютага пра тое, што былыя супрацоўніцы Іглесіаса знаходзіліся «ў сітуацыі рабства».

«Жудасныя паказанні былых супрацоўнікаў Хуліа Іглесіаса раскрываюць факты сэксуальнага гвалту і сітуацыю рабства з уладнай структурай, заснаванай на пастаяннай агрэсіі», — напісала Дыас у сацсетках пасля паведамлення ў СМІ пра скаргу, пададзеную двума былымі супрацоўніцамі ў пракуратуру Нацыянальнага суда.

У пазове Іглесіас патрабуе, каб Дыас публічна адмовілася ад сваіх слоў і выплаціла яму кампенсацыю, памер якой яшчэ не вызначаны.