У Магілёве з акна інтэрната выпала дзяўчынка

• 25.02.2026, 11:11

Прахожыя заўважылі дзіця на навесе будынка і выклікалі ратавальнікаў.

З акна магілёўскага інтэрната, які знаходзіцца на праспекце Шміта, выпала 7-гадовая дзяўчынка. Падрабязнасцямі інцыдэнту падзяліліся ў МНС.

Учора а 18:29 прахожыя патэлефанавалі ў МНС і паведамілі, што на навесе пяціпавярховага інтэрната знаходзіцца дзіця. Ратавальнікі, якія прыбылі на месца, выявілі сямігадовую дзяўчынку і перадалі яе медыкам.

Ведамства паведамляе, што пацярпелае дзіця пражывае ў гэтым жа інтэрнаце. Перад падзеннем дзяўчынка адчыніла акно ў фае калідора, каб паклікаць аднакласніка, нахілілася наперад, страціла раўнавагу і ўпала з акна трэцяга паверха на навес пад'езда на ўзроўні другога паверха. Цяпер яна ў бальніцы.