Выратавальнікі раяць мінчанам не выходзіць на лёд

• 25.02.2026, 13:56

За двое сутак таўшчыня лёдавага пакрову скарацілася на 20 сантыметраў.

Усяго за двое сутак таўшчыня лёду на вадаёмах скарацілася з 50 да 30 см. Мінская гарадская арганізацыя АСВОД папярэдзіла, што з-за адлігі выходзіць на лёд ужо не варта, а таксама назвала самыя небяспечныя вадаёмы сталіцы і прыгарада.

Далей сіноптыкі абяцаюць стабільны плюс, а значыць, лёд працягне імкліва губляць трываласць. «Выратавальнікі заклікаюць жыхароў быць асабліва асцярожнымі, устрымлівацца ад выхаду на лёд і ўважліва сачыць за змяненнямі надвор'я», — распавяла Onlíner прадстаўніца Мінскай гарадской арганізацыі АСВОД Анна Новікава.

Выратавальнікі нагадваюць, што ў адлігу выхад на лёд будзе неабгрунтаванай рызыкай, нават калі пакроў візуальна здаецца трывалым. «Рыбалка, прагулкі, катанне на каньках — усё гэта цяпер смяротна небяспечна», — звяртае ўвагу АСВОД.

— Вадаёмы з самай небяспечнай сітуацыяй — Камсамольскае возера, вадасховішча Дразды, вадасховішча Крыніца, Цнянскае вадасховішча, Мінскае мора, — распавяла Анна Новікава.

У вадаёмах тае лёд: даведаліся, якія месцы ў Мінску цяпер самыя небяспечныя — Людзі Onlíner

Усяго за двое сутак таўшчыня лёду на вадаёмах скарацілася з 50 да 30 см. Мінская гарадская арганізацыя АСВОД папярэдзіла, што з-за адлігі выходзіць на лёд ужо не варта, а таксама назвала самыя небяспеч...