З Гродна запускаюць новыя аўтобусы ў Варшаву

• 25.02.2026, 14:38

Перавозчыкі павялічваюць колькасць рэйсаў праз пункт пропуску «Бераставіца».

Як расказалі прадстаўнікі сэрвісу па продажы квіткоў «Атлас Бас», па дарозе яны будуць спыняцца ў Беластоку.

Новыя рэйсы будуць адпраўляцца ў Варшаву з Гродна ў 03:00 і 05:15. У зваротным напрамку з польскай сталіцы аўтобусы будуць выязджаць у 09:45 і 18:30.

Адпраўленне з Беластока ў Гродна — у 12:25 і 21:10. Перавозчыкам выступае «Флайбус».

Яшчэ адзін рэйс з 1 сакавіка арганізуе польскі перавозчык Bialystok Ekspres. Выезд з Гродна — у 03:15. У зваротны шлях аўтобус адправіцца з Варшавы ў 10:00, а ў 13:00 ён выедзе ўжо з Беластока.

На ўсіх рэйсах кошт паездкі да Варшавы складзе 130 рублёў, да Беластока — 100. Усе аўтобусы ідуць праз пункт пропуску «Бераставіца».

Цяпер чэргаў на мяжы ў «Бераставіцы» няма.