Як будуць працаваць беларусы перад 8 сакавіка

• 25.02.2026, 15:29

Скарочаны дзень прадугледжаны не для ўсіх.

У Мінпрацы расказалі, каму скарацяць рабочы дзень да 8 сакавіка, якое прыпала на нядзелю

Сёлета Міжнародны жаночы дзень прыпадае на нядзелю, таму беларусы застануцца без скарочанага перадсвяточнага дня. Аднак некаторыя работнікі ўсё ж будуць працаваць на гадзіну менш, паведамілі ў прэс-службе Мінпрацы.

Для супрацоўнікаў на пяцідзёнцы скарочанага перадсвяточнага дня ў сакавіку няма. А вось для тых, хто працуе шэсць дзён, рабочая субота, 7 сакавіка, будзе скарочаная на гадзіну.

У Мінпрацы нагадалі, што пры пяцідзённым працоўным тыдні ў сакавіку будзе 22 рабочыя дні і 9 выходных. Пры шасцідзённым — 26 рабочых і 5 выходных дзён.