Беларус начыніў прычэп легкавога аўтамабіля цыгарэтамі

• 25.02.2026, 15:39

Літоўская мытня спыніла спробу кантрабанды.

Спробу кантрабанды беларускіх цыгарэт спынілі супрацоўнікі Вільнюскай тэрытарыяльнай мытні раніцай 17 лютага ў пункце пропуску Шальчынінкай (з беларускага боку — Беняконы), паведаміў 25 лютага Дэпартамент мытні МУС Літвы.

Адзначаецца, што незаконны груз быў выяўлены ў сценках і столі прычэпа да легкавога аўтамабіля «Kia», якім кіраваў грамадзянін Беларусі. Пасля выдалення ізаляцыйнага пласта мытнікі знайшлі 8 642 пачкі цыгарэт NZ Gold (кошт з улікам падаткаў — 42 864 еўра).

«Вадзіцель прызнаўся ў перавозцы кантрабандных цыгарэт, — гаворыцца ў паведамленні. — Рашэннем пракуратуры ў дачыненні да яго прызначаныя дзве прэвентыўныя меры: вылучэнне дакументаў і абавязак перыядычнай рэгістрацыі ў паліцыі».

Вільнюскае аддзяленне Мытнай крымінальнай службы пачало дасудовае расследаванне па факце кантрабанды (ч. 2 арт. 199 КК Літвы). Расследаванне вядуць пракуроры Вільнюскай акруговай пракуратуры.